ҚР-дың Пекиндегі елшілігі ҚХР Сыртқы істер министрлігіне тиісті нота жолдады.
ERNUR.KZ. Қазақстанның Сыртқы істер министірлігінде Қытай елшісімен кездесу өтті, деп жазады baq.kz.
Қазақстан Республикасының Сыртқы істер министрлігінде Қытайдың ҚР-дағы елшісі Чжан Сяомен кездесу өтіп, оның барысында қазақстандық тарап қытайлық www.sohu.com сайтындағы "Қазақстан неге Қытайға оралуға тырысады" атты мақалаға қатысты наразылық білдірілді, - делінген таратылған ақпаратта.
Қытай елшісіне мұндай сипаттағы мақаланың жариялануы 2019 жылғы 11 қыркүйекте мемлекет басшылары қол қойған Қазақстан Республикасы мен Қытай Халық Республикасының бірлескен мәлімдемесінде айқындалған мәңгілік жан-жақты стратегиялық әріптестікрухына сәйкес келмейтіндігі атап өтілді. Тараптар ақпарат тарату және БАҚ саласында тығыз өзара ықпалдасуға келісті.
Сондай-ақ, ҚР-дың Пекиндегі елшілігі ҚХР Сыртқы істер министрлігіне тиісті нота жолдады.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
