Қазақстан үкіметі қосымша 100 мың тонна қант алдырады

0
475

Сауда министрлігінің басшысы бұл мәселе 15 шілдеде Беларусьте өтетін ЕЭК отырысында одан әрі қаралатынын хабарлады.


Қазақстан үкіметі қосымша 100 мың тонна қант алдырады

ERNUR.KZ. Премьер-министрдің орынбасары – Сауда және интеграция министрі Бақыт Сұлтанов үкімет Қазақстанға қант жеткізуді ұлғайтуға тырысып жатқанын айтты, деп жазады zakon.kz.

Біз бүгін қабылданған 350 мың тонна қантқа қосымша тағы 100 мың тонна қант сұрадық. Қазір Ауыл шаруашылығы министрлігі келіссөздер жүргізіп, индикативті теңгерімдерді сәйкестендіріп, өзіндік есептеулер жүргізіп жатыр. Бұл мәселеге кейін қайта ораламыз, – деді Үкімет отырысында Сауда және интеграция министрі Бақыт Сұлтанов.

Сауда министрлігінің басшысы бұл мәселе 15 шілдеде Беларусьте өтетін ЕЭК отырысында одан әрі қаралатынын хабарлады.

Сонымен қатар журналистер Бақыт Сұлтановтан Қазақстан қантты қайдан сатып алайын деп жатқанын сұрады.

Қазір 350 мың тоннасы бар. Басқа елдерден қант сұраймыз. Әлемде негізгі жеткізушілердің бірі - Бразилия, Үндістан және Вьетнам. Бірақ Үндістан шектеу қойды. Сондықтан біз келіссөз жүргізіп жатырмыз.Бақыт Сұлтанов

Бұған дейін министр Бақыт Сұлтанов қанттың неліктен қымбаттап жатқанын түсіндірді. Еске салайық, сарапшылардың бағалауы бойынша, Қазақстанда қант бағасының жыл сайынғы өсуі 60,5% болды.

22 маусымда мәжіліс депутаты Фахриддин Қаратаев әлеуметтік маңызы бар тауарлардың, әсіресе қанттың қымбаттауына наразы болды. Мәжілісмен төрт ай бұрын басталған қант дауының халық арасында әлі де басылмай тұрғанын айтқан еді. Оның айтуынша, әлеуметтік маңызы бар азық-түлік тауарларының бағасының одан әрі өсуі халық арасында үлкен наразылық тудыруы мүмкін.