Қазақстанда алғашқы "ақылды қала" пайда болады

0
1 303

Ақкөл Астанадан 100 шақырым жерде орналасқан.


Қазақстанда алғашқы

ERNUR.KZ. Таяуда Ақмола облысы Ақкөл ауданында орналасқан Ақкөл қаласы Қазақстандағы алғашқы сандық қала болмақ, деп жазады тengrinews.kz.

Басылымның мәліметінше, былтыр мамыр айында "Tengri Lab" ІТ-компаниясы "Ақмола электржелілік компаниясы" АҚ, "Қазақтелеком" АҚ, ERG, BTS Digital және Ақмола облысы әкімдігінің өкілдерімен біріге отырып, "Ақылды қала" (Smart City) жобасын қолға алған.

2018 жылдың соңында "Tengri Lab" бас директоры Әлімжан Есетов жарты жылдағы жұмысқа қорытынды жасап, оны Facebook желісіндегі парақшасында жариялады. Оның айтуынша, Ақкөлде алты айда біраз жұмыстар атқарылған. Айта кетейік, Ақкөл Астанадан 100 шақырым жерде орналасқан.

"Қалада толықтай 4G мен LoraWan желілері жұмыс істейді, 4500 су есептегіші ауыстырылды, 6000 электр қуаты есептегіштері ауыстырылды, көшедегі 250 жарық шамы ауыстырылды, барлығы автомат түрде жұмыс істейді", -деді Есетов.