Қазақстанда коронавирус жағдайының нашарлауына байланысты жаңа шаралар енгізу ұсынылды

ERNUR.KZ. Денсаулық сақтау министрі Алексей Цой Үкімет отырысында Қазақстандағы коронавирус жағдайының нашарлауына байланысты жаңа шаралар ұсынды, деп жазады Tengrinews.kz.

Осылайша, оларға ұсынылған шаралардың арасында - мониторинг топтардың жұмысын күшейту және эпидемиологиялық қауіпті аймақтарға байланысты шектеулерді дереу қабылдау.

Сондай-ақ, облыстардың және республикалық маңызы бар қалалардың әкімдері вакциналарды сақтауға және тасымалдауға арналған тоңазытқыш жабдықтарды сатып алуды аяқтауы, сондай-ақ медицина қызметкерлерін оқытуды қамтамасыз етуі қажет.

Айта кетейік, елімізде коронавирус жұқтырғандар саны 170 мыңнан асты. 154 449 адам емделіп шықты, 2 349 науқас қайтыс болды.