Қазақстандағы отбасылардың азық-түлікке жұмсайтын шығыны 10%-ға өсті

0
384

ҚР төрт өңірінде - Алматы қаласы, Алматы, Жетісу және Түркістан облыстарында үй шаруашылықтарының шығындары табыстан асып түседі.


Қазақстандағы отбасылардың азық-түлікке жұмсайтын шығыны 10%-ға өсті

ERNUR.KZ. Қазақстандағы отбасылардың азық-түлік тауарларына шығындары 10%-ға, азық-түлік емес тауарларға - 18%-ға, ақылы қызметтерге - 20%-ға өсті, деп жазады ulysmedia.kz.

ҚР төрт өңірінде - Алматы қаласы, Алматы, Жетісу және Түркістан облыстарында үй шаруашылықтарының шығындары табыстан асып түседі.

Осы жылдың екінші тоқсанында ҚР үй шаруашылықтарының ақшалай шығыстары орта есеппен 774,9 мың теңгеге жетті — 2021 жылдың осы кезеңімен салыстырғанда 14,5%-ға артық. Үй шаруашылықтарының табысы бір жыл ішінде 16,4%-ға өсіп, 2022 жылдың екінші тоқсанында 819,4 мың теңгені құрады.

Бір үй шаруашылығына жұмсалатын шығындар мен кірістердің орташа арақатынасы бір жылда 96,1%-дан 94,6%-ға дейін қысқарды. Ақшалай мәндегі кірістер мен шығыстар арасындағы айырмашылық бір жыл ішінде 27,1 мың теңгеден 44,5 мың теңгеге дейін өсті.

Өңірлік бөліністе ең төмен шығыстар Қостанай (орта есеппен бір үй шаруашылығына 559,2 мың теңге) және Абай (573,6 мың теңге) облыстарында, сондай-ақ Шымкент қаласында (598,6 мың теңге) байқалды. Қостанай және Абай облыстарында шығыстар кірістердің 76,5%—ын және 74,9%-ын ғана құрайды, ал Шымкентте көрсеткіш іс жүзінде тең (арақатынасы - 99,8%).