Қазақстандық әйгілі бапкер өмірден озды

Феликс Цойдың тәрбиеленушілері, танымал спортшылар Ангелина Лукас пен Фируза Шарипова бапкердің отбасына көңіл айту хатын жолдады.

" Ұлы жаттықтырушы – Феликс Тихонович Цой Қазақстандағы боксты дамытуға ерекше үлес қосты. Ол дайындаған спортшылар өте танымал – Рашид Кабиров, Болат Жұмаділов, Бақтияр Тілегенов. Ол маған рингте орындап жүргендерімнің бәрін үйретті. Мен оны бірінші тәлімгерім және жаттықтырушым деп санаймын! Оның әр сөзі, әр кеңесі есімде, әр жекпе-жектің алдындағы әңгімелеріміз есімде! Феликс Тихонович – Аңыз! Мен сізбен жұмыс істегенімді мақтан тұтамын, Мен сізді қатты жақсы көрдім және өмір бойы есімде сақтаймын", – деп жазды Ангелина Лукас.