Ұшқыштың 38 жылдан астам тәжірибесі бар.
иллюстрациялық фото
ERNUR.KZ. Қазақстанға гуманитарлық жүк жеткізіп жүрген ұшқыш Болат Серікбаев пневмониядан көз жұмды, деп жазады Stan.kz.
Ұшқыштың пневмониядан қайтыс болғаны туралы ақпарат әлеуметтік желіде кең тарап кетті. Болат Серікбаевтың көз жұмғанын SCAT әуе компаниясының баспасөз қызметі растады. Олар Серікбаев пневмониядан қайтыс болғанын айтты.
"Бүкіл авиакомпания үшін қайғылы оқиға орын алды. Болат Мұсаұлы өз саласының нағыз кәсіби маманы еді. Боинг-757 және Боинг-767 ұшақтарының командирі, 38 жылдан астам тәжірибесі бар. Ол гуманитарлық жүктерді жеткізу рейстерін және біздің отанға оралуды ұйымдастыруға белсенді қатысты", - деді әуе компаниясының баспасөз қызметі.
Айта кету керек, коронавирустық пандемия жағдайында ұшқыш қиын-қыстау кезде көмек көрсету үшін қолдан келгенін жасаған.
