Бала арқасымен бетонға құлаған.
ERNUR.KZ. Қостанайда алты жасар бала ашық тұрған кәріз құдығына құлап кетті, деп жазады tengrinews.kz.
Оқиға 26 желтоқсанда болған.
"Жұбайымды Гоголь көшесінің бойындағы сұлулық салонына алып келдім, ал өзім балаларыммен саябақта қыдыруды жоспарладым. Алға шықтым, балаларым артта ойнап келе жатқан, бір кезде кенже ұлым былай деп айғайлады: "Мансұр құдыққа құлап кетті". Артыма қарадым, үлкен ұлымды көре алмадым", - дейді Берік Игіліков.
"Әкесінің айтуынша, люк ашық болған және үстін қармен ғана жауып қалған. Сол себепті оны көру мүмкін емес еді. "Қуанышқа орай кездейсоқ бойшаң жігіт көмекке келді. Ол құдыққа түсіп, баламды алып шықты. Балам арқасымен бетонға құлаған. Дереу ауруханаға бардық, бір тәулікке сонда қалдырдық. Ауыр жарақат алған жоқ. Тілін тістеп қалған және шынтағын ұрып алған", - деді ол.
