Әйелдің осыған дейін қайда болғаны нақты айтылмады.
ERNUR.KZ. 2022 жылдың қыркүйегінде жоғалып кеткен Маңғыстау облысының тұрғыны Жания Абдуллаева тірідей табылды. Бұл туралы 15 ақпанда LIDER.KZ еріктілері Instagram парақшасында жариялады, деп жазады tengrinews.kz.
Айта кетейік, 2022 жылдың 29 қыркүйегінде Бейнеу ауылындағы 27 жастағы үш баланың анасы ауруханаға жұмыс істеу үшін үйінен шығып кетіп, хабар-ошарсыз кеткен болатын. Жоғалған күні жас келіншек Бейнеу-Маңғыстау пойызына билет сатып алғаны белгілі болған.
Туыстары Жәнияны іздеуге еріктілер мен құқық қорғау органдарына жүгінген. Алайда іздестіру жұмыстары нәтиже бермеген.
Әйелдің осыған дейін қайда болғаны нақты айтылмады.
