Land Cruiser-мен баланы басып кеткен зейнеткерге қатысты сот үкімі шықты

0
671

73 жастағы ер адам өз кінәсін мойындады.


Land Cruiser-мен баланы басып кеткен зейнеткерге қатысты сот үкімі шықты

ERNUR.KZ. Күлсары қаласында 11 жастағы баланы басып өлтірген зейнеткеді түрмеге қамауға шешім шығарылды, деп жазады sputnik.kz.

Қылмыстық іс Жылыой аудандық сотында қаралды. 73 жастағы ер адам өз кінәсін мойындады. Сотта жол апаты болған жердегі бейнежазбалар да көрсетілді. Сараптаманың нәтижесі жарияланды. Соның барлығы зейнеткердің кінәсін растап отыр. Прокурор оны 2 жылға бас бостандығынан айыруды сұрады. Ал адвокаты заң бойынша үкім шығаруды өтінді.
Судья зейнеткердің жасын, денсаулығын, шын жүректен өкінетінін ескерді. Моральдық шығынды да өтеп берді. Оны екі жарым жылға бас бостандығынан айыруға шешім шығарылды. Оған қоса, 3 жыл бойы көлік жүргізуге тыйым салынып отыр.
Айта кетері, 20 қазанда таңғы сағат 8:00-де Күлсары қаласында 5-сынып оқушысы "Көктем" дүкенінің жанында жолды кесіп өтпекші болған. Сол кезде оны Toyota Land Cruiser Prado мінген зейнеткер басып кетті. Бала оқиға орнында қайтыс болды.