«Әлем» сауда үйінің әкімшілігі мұны растады.
ERNUR.KZ. Өскемендегі сауда үйлерінің бірінде еденге зираттың тасын төсепті, деп жазады altaynews.kz.
Әлеуметтік желіде «Әлем» сауда үйінде түсірілген бейнежазба мен фотосуреттер таралуда. Видеода еденде қабір үстіне қойылатын құлпытастардың сынықтары мен марқұмдардың тасқа түсірілген суреттерін көруге болады.
«Әлем» сауда үйінің әкімшілігі мұны растады. Бірақ жауапкершілікті құрылыс жұмыстарын жүргізген мердігер компанияға ысырып отыр. Айтуынша, қажетті материалдарды сатып алумен сол компания айналысқан.
"Сауда үйінде жөндеу жұмыстары жүргізілгендіктен, еденді шаң басып жатқан болатын. Қандай материалдан жасалғаны тек жұмыстар аяқталған соң ғана анықталды", - дейді сауда үйінің әкімшілігі.
