Несиелерін жапқан: Банктен 87 млн теңге ұрлаған қазақстандық Ресейде ұсталды

0
756

Күдікті жалдамалы пәтерде жасырынған.


Несиелерін жапқан: Банктен 87 млн теңге ұрлаған қазақстандық Ресейде ұсталды

ERNUR.KZ. 87 миллион теңгемен шетелге қашып кеткен банк қызметкері Ресейде ұсталды, деп жазады tengrinews.kz.

Қостанай облыстық полиция департаментінің баспасөз қызметінің мәліметінше, ер адам Челябіде ұсталды. Онда ол қазақстандық такси жүргізушісімен жетіп алған.

"Күдікті жалдамалы пәтерде жасырынған. 20 қарашада пәтерде тінту жұмыстарын жүргіу барысында ұрланған ақшаның бір бөлігі табылды - 136 мың еуро (58 миллион теңге). Қазіргі уақытта қазақстандық Челябі қаласының уақытша тергеу изоляторында", - делінген полицейлердің хабарламасында.

Полициядағылардың мәліметінше, ұсталған қазақстандық ақшаның бір бөлігін сегіз несиесін төлеуге жұмсаған. Бұл істі облыстық полиция департаментінің басшысы, генерал-майор Бекет Аймағамбетов бақылауға алды.