Әйелдің денесінде зорлық-зомбылық белгілері жоқ, бұл факті бойынша қылмыстық іс қозғалды, тергеу жүріп жатыр.
ERNUR.KZ. Елорда полицейлері із-түссіз жоғалып кеткен 31 жастағы әйелдің денесін тапты, деп жазады Sputnik Қазақстан.
"15 сәуір кешкі сағат 23.03-те қырқыншы станса ауданында іздеу жұмыстары кезінде бұған дейін жоғалып кеткен Нұр-Сұлтан тұрғынының мәйіті табылды. Денесінде зорлық-зомбылық белгілері жоқ", -делінген хабарламада.
Қазір осы факті бойынша қылмыстық іс қозғалды.
Тергеу жүріп жатыр.
Елорда тұрғыны 2 сәуірде күндіз үйінен шығып, сол күйі оралмаған. Әйелдің жоғалып кеткені туралы инстаграмдағы eto_astana_detka паблигінде хабарланған болатын.
Іздеу жұмыстарына қаланың полиция департаментінің жеке құрамы жұмылдырылды. Оны іздестіруге еріктілер де қатысты.
