Нұр-Сұлтанда жабайы қабандар жүр

0
502

Қабандардың қалаға қалай кіріп кеткені белгісіз


Нұр-Сұлтанда жабайы қабандар жүр

ERNUR.KZ. Елорда тұрғындары түнде қалада серуендеп жүрген бірнеше жабайы қабанды видеоға түсіріп алды. Экология министрлігі жануарлардың қалаға қалай кіріп кеткенін анықтап жатыр, деп жазады Stan.kz.

Қаланың орталық даңғылында қабандардың жүргені бейнеленген видео желіде тез тарап кетті. Бейнежазбада қабандардың жолдың бойымен жүгіріп бара жатқанын көруге болады. Автордың айтуынша, бұл «Астана Арена» стадионының жанындағы Тұран даңғылында болған оқиға.

Қабандардың қалаға қалай кіріп кеткені белгісіз. Экология министрлігі орманшаруашылығы және жануарлар әлемі комитетінің мамандары оқиғаның мән-жайын анықтап жатыр.


"Қазіргі уақытта Нұр-Сұлтан полиция бөлімі Есіл аудандық біртұтас кәсіпорнының экологиялық полиция инспекторлары экология, геология және табиғи ресурстар министрлігінің Ақмола облыстық орман шаруашылығы және жануарлар дүниесі аумақтық инспекциясының өкілдерімен бірлесіп айналма жолда тергеу жүргізіп жатыр. Жануарлар табылған жағдайда немесе иелері белгілі болса, олар табиғатқа жіберіледі", - деп хабарлады Нұр-Сұлтан полиция басқармасы.