Нұрсұлтан Назарбаев: Ассамблея - еліміздегі мызғымас бірліктің ұйытқысы

0
1 128

Н. Назарбаевтың атап өтуінше, жаһандық әлем көз алдымызда қуатты трансформацияны бастан өткеруде.


Нұрсұлтан Назарбаев: Ассамблея - еліміздегі мызғымас бірліктің ұйытқысы

ERNUR.KZ. Ассамблея еліміздегі татулық пен тұрақтылықтың ең басты кепілі. Бұл туралы Қазақстан халқы Ассамблеясының XXVII сессиясында ҚР Тұңғыш Президенті - Елбасы, ҚХА Төрағасы Нұрсұлтан Назарбаев мәлім етті, деп жазады ҚазАқпарат.

«Ассамблея құрылған күннен бастап еліміздегі мызғымас бірліктің ұйытқысы, сарқылмас берекенің бастауы болып келеді. Көп этносты еліміздің басын біріктіретін, әрқайсысының пікірін тыңдайтын үлкен мінбе болып саналады. Бүгінде құрылым еліміздегі татулық пен тұрақтылықтың ең басты кепілі болып отыр», - деп тоқталды Елбасы.

Н. Назарбаевтың атап өтуінше, жаһандық әлем көз алдымызда қуатты трансформацияны бастан өткеруде.

Бүгінде экономика, қоғам өмірі, технологиялар түбегейлі өзгеріске ұшарағанына тоқталған Тұңғыш Президент, «Біз осы жаңашылықдықтарды қабылдаудамыз, көбіне үйренудеміз, сондай-ақ басым бөлігін меңгердік», - деді.

Осы орайда Елбасы бұл әлемдегі қоғамның бірлігі, ұлтаралық келісім секілді тұрақты әрі маңызды құндылықтар бар екенін қадап айтты.

«Дәл осы аса маңызды фактор болашақ әлемде біздің бәсекеге қабілеттілігімізді айқындайды», - деді Нұрсұлтан Назарбаев.