Бұл тізімде Алматыдан кейін ОҚО өңірі тұр. Онда да жастар арасындағы жұмыссыздық 54,3 пайызға жеткен - 8,7 мың адамнан 13,5 мың адамға дейін.
Биыл Қазақстанда жұмыссыз жүрген жастардың саны 84 мыңға жеткен, - деп хабарлайды Tengrinews.kz Finprom.kz сарапшыларына сілтеме жасап.
"Қазақстанда 2018 жылдың алғашқы үш айының қорытындысы бойынша жұмыссыздық деңгейі 4,1 пайыз болды. Ал былтыр бұл көрсеткіш 3,9 пайыз болды. Жұмыс күші 1,2 (24,6 мың адамға) пайызға өсті, яғни, 2,05 миллионнан 2,07 миллион адамға дейін", - делінген сарапшылардың зерттеуінде.
Сарапшылардың мәліметінше, 2018 жылдың алғашқы үш айының қорытындысы бойынша жұмыссыздық деңгейінің ең жоғарғы көрсеткіші Алматыда тіркелген. Сондай-ақ, мамандардың айтуынша, Алматыда 16,2 мың адам (жастар) жұмыссыз жүр. Бұл елімізде 15-28 жас аралығындағы жұмыссыз халықтың 19,3 пайызын алады екен.
Бұл тізімде Алматыдан кейін ОҚО өңірі тұр. Онда да жастар арасындағы жұмыссыздық 54,3 пайызға жеткен - 8,7 мың адамнан 13,5 мың адамға дейін. Ал үшінші орында Қарағанды облысы тұр. Қарағандыда жұмыссыз жүрген жастардың саны 7,3 мыңға жеткен. Бұл былтырғы көрсеткішпен салыстырғанда 3,2 пайызға көп екен.
Сондай-ақ, сарапшылардың зерттеуіне қарағанда жұмыссыздық деңгейінің төмен көрсеткіші СҚО мен Астанада байқалады. Астанада жұмыссыз жүргендердің саны азайғаны айтылады. Онда жұмыссыз жастардың саны бір жылда 6,8 мың адамнан 5,8 мың адамға дейін қысқарған.
