«Қажет уақытында атымды атап шақырсаң жетіп келем» дейді Sexman.
ERNUR.KZ. Өскеменде соңғы кездерде man-дер көбейіп кетті. Batman, Superman... енді Sexman... Ол жүргіншілерге күйекқап және оның қолданылу ережесін таратып жүр, деп жазады altaynews.kz.
Күйекқап деген не дейсіз бе? Мүшеқап қой.
Иә, кеше қызыл жалбағай жамылып, бетін тұмшалаған жас жігіт жүріпті көшеде, Ануара сауда кешенінің маңында. Ол өзін жүргіншілерге «Sexman деген мен болам» деп таныстырған.
Оның ұсынған бір тілім қағазында «Бұл – менің міндетім» деген мәтін бар екен. Онда өзінше қауіпсіздік ережелерін де тізіп қойған.
Айтпақшы, «қажет уақытында атымды атап шақырсаң жетіп келем» дейді.
