Пойыз ішінде жантүршігерлік қылмыс орын алды

0
1 545

Көкшетау-Қызылорда бағытындағы пойызда ер адам саудагер келіншектің басын кесіп алған.


Пойыз ішінде жантүршігерлік қылмыс орын алды

фото train-photo.ru

Көкшетау-Қызылорда бағытындағы пойызда ер адам саудагер келіншектің басын кесіп алған. Дегенмен, полицейлер оқиғаның анық-қанығын ашып айтпай отыр. Ал қанды қылмыстың өзі Шу станциясында болған, деп хабарлайды ERNUR.KZ. Zakon.kz сайтына сілтеме жасап.

Отарба осындағы темір жол вокзалына тоқтаған соң, коммерсант әйел жолаушыларға киім-кешек, азық-түлік ұсынып вагон ішіне кірген. Тек тамбурдан өте бергенде соқталдай жігіт денесіне бірнеше рет пышақ сұғып, тамағынан орып жіберіпті. Қан-жоса болып құлаған келіншек сол жерде жан тапсырған.

Ал, қаскөй сол мезетте-ақ ұсталғанымен, мұндай қанды қылмысқа не үшін барғанын түсіндіре алмапты. Өйткені, ақыл-есінде ауытқу бар дейді полицейлер. Өзінің де диспансерден ем қабылдап шыққан беті көрінеді. Қасында анасы болған деген ақпарат бар. Енді осы ауруына байланысты жазадан да құтылып кетуі мүмкін.

«Ұсталған азаматтың папанойдты шизофрения диагнозымен диспансерлік есепте тұрғаны және бұрын сотталғаны анықталды. Қазіргі таңда тергеу амалдары жүргізіліп жатыр», – дейді ҚР ІІМ ресми өкілі Алмас Сәдубаев.