Қазақстан Республикасының Президенті Нұрсұлтан Назарбаев энергетика министрі Қанат Бозымбаевқа электр қуатының бағасын төмендетуді тапсырды.
«Біріңғай сатып алушы моделін енгізіп, аймақтардағы электр таратушы компанияларды ірілендіру жоспарланды. Энергетика министрі бұл жақсы нәтижеге – тұтынушылар үшін электр қуаты бағасының төмендеуіне әкеледі, деп баяндаған. Бірақ, ол болған жоқ», - деді Нұрсұлтан Назарбаев Үкіметтің кеңейтілген отырысында. .
Өз кезегінде энергетика министрі Қанат Бозымбаев қуат нарығындағы біріңғай сатып алушының анықталғанын жеткізді.
«2019 жылдың 1 қаңтарынан қуат нарығын іске қосу үшін бар жұмыс 2017 жылы дайындалып қойған. Біріңғай сатып алушы ретінде «КЕГОК» АҚ-ның есеп-қаржылық орталығы алынды. Биылғы жылы тұтас ел аумағында екі рет сынақ өткіземіз. 2019 жылы ел аумағындағы жүйе еш кедергісіз нарыққа енуі үшін соны іс жүзінде байқаймыз» , -деді министр
Қанат Бозымбаев электр таратушы ұйымдарды ірілендіру механизмі де айқындалып қойғанын айтты. Министрдің сөзінше, электр таратушы мекемелердің саны 160 тан 110 ға дейін 30 %-ға азайып, бұл шара электр қуатын таратуға кететін шығынды оңтайландырады.
«Сен жақсы баяндадың. Бірақ, нәтижесінде аймақтардың арасындағы тариф айырмашылығы реттеліп, тұтынушыға жететін электр қуатының бағасы төмендеуі керек»,- деп түйіндеді Елбасы
