Президент Көшербаевқа зейнетке шыққаннан кейін жұмыс істеуге рұқсат берді

0
1 172

​Нұрсұлтан Назарбаев 20 мамырда зейнет жасына толатын Қызылорда облысының әкімі Қырымбек Көшербаевтың өкілеттігін 2021 жылға дейін ұзартты.


Президент Көшербаевқа зейнетке шыққаннан кейін жұмыс істеуге рұқсат берді

Нұрсұлтан Назарбаев 20 мамырда зейнет жасына толатын Қызылорда облысының әкімі Қырымбек Көшербаевтың өкілеттігін 2021 жылға дейін ұзартты, деп хабарлайды Sputnik Қазақстан.

"Мемлекет басшысының Жарлығымен "Қазақстан Республикасының мемлекеттік қызметі туралы" Қазақстан Республикасы Заңына сәйкес Қызылорда облысының әкімі Қырымбек Елеуұлы Көшербаевтың өкілеттігі зейнеткерлік жасқа толған күннен бастап 2021 жылғы 20 мамырды қоса алғандағы мерзімге дейін ұзартылды", — деп жазылған Ақорданың сайтында.

Қырымбек Көшербаев 1955 жылы 20 мамырда Қызылорда облысы, Қазалы қаласында дүниеге келген. Қазақстандық мемлекет және қоғам қайраткері, дипломат, саясат ғылымдарының докторы, философия ғылымдарының кандидаты Қызылорда облысының әкімі болып 2013 жылы тағайындалды.