Қазақстан Тәуелсіз мемлекеттер достастығының басқа елдерімен бірге Ресейде әзірленген "коронавирусты анықтайтын заттарды" алды.
ERNUR.KZ. Ресейлік ғалымдар әзірлеген "2019-nCoV жаңа коронавирусының зертханалық диагностикасына арналған заттар" Еуразиялық экономикалық одақ (ЕАЭО) пен ТМД елдеріне берілді, деп жазады sputniknews.kz.
"2020 жылдың 1 және 2 ақпанында 2019-nCoV вирусын анықтауға арналған ресейлік тест-жүйелердің қажетті мөлшері Армения, Беларусь, Қазақстан мен Өзбекстан республикаларына берілді. Бұған қоса, Қырғызстан мен Тәжікстанға жеткізу жоспарланып отыр", - делінген Ресейдің тұтынушылық қадағалау қызметінің сайтында.
Олар серіктес елдерге тегін таратылды, делінген ақпаратта.
Тест-жүйелер "Вектор" мемлекеттік вирусология және биотехнологиялар ғылыми орталығының базасында әзірленген.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
