Семейде көпірден секірген әйелді полиция қызметкері құтқарып қалды (видео)

0
1 071

Көпірден суға секірген қала тұрғыны өз-өзіне қол салмақ болған деген болжам бар.


Семейде көпірден секірген әйелді полиция қызметкері құтқарып қалды (видео)

ERNUR.KZ. Семейде тәртіп сақшысы 60 жастағы әйел адамды Ертістен алып шықты, деп жазады Алтайньюс.

Оқиға Семей қаласында болған. Көпірден суға секірген қала тұрғыны өз-өзіне қол салмақ болған деген болжам бар.

Әйел адамның Ертістегі ескі автомобиль көпірінен секіріп кеткені туралы хабар полицияға түсе салысымен патрульдік полицейлерге бірден ақпарат таратылады. Көпірге жақын маңда кіші лейтенант Аслан Бегәділов болған. Ол жағалауға жете бере, суға секіріп, әйелді жағаға алып шығады.

60 жастағы қала тұрғыны қазір ауруханада жатқаны белгілі болып отыр.