Семейде көшенің дәл ортасында автобус өртенді

ERNUR.KZ. Семейде көшенің қақ ортасында жолаушы тасымалдайтын автобус өртеніп кетті, деп жазады Алтайньюс.

Оқиға бүгін сағат 12.00 шамасында болған. Жанып жатқан автобустың фотосуреттері мен бейнежазбасы әлеуметтік желіде таралуда.

ШҚО ТЖД баспасөз қызметінің ақпараты бойынша, автобус автопаркке бет алып келе жатқан. Көлікте жолаушылар болмағаны анықталып отыр. Өзін жайсыз сезінген жүргізуші адамдарды түсіріп, маршруттан шықпақ болған.

Өрттің аумағы шамамен 40 шаршы метрді құрайды.