Семейдегі жылу электр орталығының жұмысы қалпына келді

0
579

Семейдегі №1 ЖЭО қайтадан толықтай іске қосылған.


Семейдегі жылу электр орталығының жұмысы қалпына келді

ERNUR.KZ. Семей қаласында көмір беру жүйесі істен шыққан жылу электр орталығының жұмысы қалпына келтірілді, деп жазады ulysmedia.kz.

Қала әкімдігінің мәліметіне сүйенсек, Семейдегі №1 ЖЭО қайтадан толықтай іске қосылған.

«Қалпына келтіру жұмыстарына ТЖМ мен әскерилерден 100-ден астам адам жұмылдырылды. Отынмен қамтамасыз етудің кабельдік желілерін жөндеу жұмыстарын «Теплокоммунэнерго» МКК-дан 20 адам, «ОЭСК» АҚ-дан 8 адам, «МЭПС» МКК-дан 6 адам, «АзияПроектМонтаж» ЖК-дан 3 адам, «Попов» ЖК-дан 2 адам жүргізді. Сондай-ақ Тұрғын үй-коммуналдық шаруашылық бөлімінің мамандары да тартылды. Соның нәтижесінде, қаланың сол жағалауының тең жартысын жылумен қамтамасыз етіп отырған нысанның жұмысы тоқтаған жоқ», - делінген ақпаратта.

Еске салсақ, Семей қаласында №1 ЖЭО-да ұзындығы 6 метр алаңда транспортер лентасы мен электр кабельдері жанған болатын. Сағат 1.36-да өрт толығымен сөндірілді. Өрт салдарынан көмір беру жүйесінің жұмысы тоқтатылды.