Елордаға Сириядағы ахуалды талқылау үшін Ресей мен Иранның және Түркияның өкілдері келді.
Сириядағы жағдайды реттеуге бағытталған Астана процесінің тоғызыншы кезеңі басталады, деп хабарлайды 24.kz.
Елордаға Сириядағы ахуалды талқылау үшін Ресей мен Иранның және Түркияның өкілдері келді. Ресей делегациясын Сириядағы мәселелер жөніндегі ел президентінің арнайы өкілі Александр Лаврентьев бастаса, Түркия сыртқы істер министрінің орынбасары Седат Онал да өз елінің атынан сөз ұстауға бекінді. Иран сыртқы істер министрінің орынбасары Хосейн Ансариға сенім артыпты. Келіссөзге келгендер Сирияның төрт аймағындағы яғни Шығыс Гута, Хомса, Идлиб және елдің оңтүстігіндегі жағдайға қатысты ой бөлісіп, пікір айтады. Сенімнің нығаюы, гуманитарлық көмек жөнінде де әңгіме өрбиді деп күтілуде.
