Сұлулық салонынан телефон ұрлаған жігіттер іздестірілуде (видео)

0
1 444

Ішкі істер департаменті хабарлағандай, 24 шілдеде күндіз екі жігіт Желтоқсан көшесіндегі сұлулық салонына кіріп, Iphone 5 телефонын ұрлап кеткен.


Сұлулық салонынан телефон ұрлаған жігіттер іздестірілуде (видео)

ERNUR.KZ.Астана полициясы сұлулық салонынан ұялы телефон ұрлаған екі жігітті іздеп жатыр, деп жазады sputniknews.kz.

Ішкі істер департаменті хабарлағандай, 24 шілдеде күндіз екі жігіт Желтоқсан көшесіндегі сұлулық салонына кіріп, Iphone 5 телефонын ұрлап кеткен. Сол күні тағы бір сұлулық салонында ұялы телефон тура солай қолды болған.


Полиция "ұрлық" бабы бойынша сотқа дейінгі тергеу амалдарын бастап кетті, күдіктілерді жедел іздеу шаралары атқарылып жатыр.
Тәртіп сақшылары Астана тұрғындарынан күдіктілерді табуға көмектесуді сұрайды. Іздеудегі жігіттердің бірі 20-25 жаста, арық денелі, бойы 160-170 сантиметр. Күрте, кепка, шорты, спорттық аяқ киім киген – бәрі қара түсті. Екіншісі 25-30 жаста, бойы 180-190 сантиметрдей. Қара былғары күрте, футболка, джинсы және туфли киген.

Қандай да бір ақпарат белгілі болса, ІІД келесі нөмірлерге хабарласуды өтінеді: 71-66-10, 71-66-11, 71-66-74.

Сонымен бірге, полиция тұрғындарға өте сақ болуға кеңес берді. Мұндай ұрлықтың басты себебі — бағалы заттарын қараусыз қалдыратын адамдардың бейқамдығы, дейді ведомствоның баспасөз қызметі.