Оқиға мектеп маңындағы аялдамада орын алған.
ERNUR.KZ. Талдықорғанда ер адам жолаушылар автобусына балтамен шабуыл жасады, деп жазады tengrinews.kz.
Мұндай ақпарат Instagram желісіндегі Тaldykorganec_ka парақшасында жарияланды. Жазба авторының айтуынша, оқиға 6 желтоқсанда таңғы 7:00 шамасында қалаға қарасты Еркін ауылында болған. № 26 мектептің маңындағы аялдамада ер адам балтамен автобустың терезелерін шаққан. Автордың айтуынша, жүргізуші мен жолаушылар зардап шеккен жоқ.
Полиция мәліметінше, ер адам екі күннен соң ұсталған. Құқық қорғау органдарының мамандары тексеру барысында оқиғаның соңғы аялдамада болғанын анықтаған. Бірнеше адам осы оқиғаның куәгері болған.
"Осы суреттер мен ақпарат әлеуметтік желіде таралып кетті. Осыған байланысты құқық қорғау органдары тұрғындарды сабырға шақырды, осы іске қатысты қылмыстық тергеу шаралары басталған және 8 желтоқсанда Талдықорған полицейлері күдіктінің кім екенін анықтады. Ол қалалық полицияға жеткізілді. Ол психикалық ауытқуы бар 49 жастағы ер адам, ресми түрде медициналық есепте тұр. Куәгерлер де оны таныды. Балта да табылып, тәркіленді", - деді Алматы облыстық ПД баспасөз қызметінің өкілдері.
Полицейлердің айтуынша, ер адамның әрекеті қылмысқа жататын болғандықтан, ол өңірлік психоневрологиялық диспансерге жатқызылған.
