Тамақ қымбат, табыс төмен: Тоқаев шенеуніктерге тапсырма берді

0
475

Үкімет халықтың табысын арттыру үшін арнайы бағдарлама әзірлеуі керек.


Тамақ қымбат, табыс төмен: Тоқаев шенеуніктерге тапсырма берді

ERNUR.KZ. Президент халықтың табысы ең төмен деңгейде тұрғанын айтып, Үкіметке тапсырма берді, деп жазады ulysmedia.kz.

Халықтың әл-ауқатын жақсарту керек. Негізгі тағам өнімдерінің қымбаттауы инфляцияның өсуіне себеп болып жатыр. Азық-түлік инфляциясы 24%-дан асты. Тұрғындардың ақшалай табысының өсу қарқыны соңғы 5 жылдағы ең төмен деңгейде тұр, - деді мемлекет басшысы.

Оның пікірінше, Үкімет халықтың табысын арттыру үшін арнайы бағдарлама әзірлеуі керек.

«Елімізде қағаз жүзінде жұмыс істейтін, уақытша жұмыс істемейтін, өзін-өзі нәтижесіз жұмыспен қамтыған және жұмыссыз деп көрсетілген 900 мыңға жуық адам бар. Негізгі құжат – халықтың табысын арттыру бағдарламасы. Оны қазіргі жағдайларға сәйкестендіру керек», - деді Қасым-Жомарт Тоқаев.

Айта кетейік, бұдан бұрын Президент елдегі инфляция соңғы жылда болмаған деңгейге жеткенін мәлімдеді.