Құқық қорғаушылардың сөзіне сүйенсек, патруль көлігіндегі полицей темекі лақтырған жоқ, "түбіртек қолынан ұшып кетті"
ERNUR.KZ. Полицей көлігінен темекіге ұқсас зат жерге тасталған атышулы видеоға қатысты Маңғыстау облысының полиция департаменті түсініктеме берді, деп жазады sputniknews.
Роликті "Лада" жергілікті газетінің оқырмандары "Народные новости" (Халық жаңалықтары) бөлімінде "Моего мужа за это оштрафовали" (Күйеуіме сол үшін айыппұл салған) деген жазбамен жариялапты.
Өңірдің құқық қорғаушыларының айтуынша, әріптесі темекіні тастаған жоқ, шын мәнісінде кішкентай қағаз қолынан ұшып кеткен.
"Түбіртек болатын. Қызметкеріміз әйелінің телефон нөміріне ақша салып жіберген, түбіртегі терезеден ұшып кетіпті. Ол бірден түсіп, қағазды көтерді", — деп атап өтті ведомство баспасөз қызметі.
Бірақ кадрларда "түбіртек" жерге түскен соң, полиция көлігі қозғалып кетеді. Тәртіп сақшысының қоқысты қашан көтергені белгісіз.
