​Теракт жасамақ болғандар ұсталды

ERNUR.KZ.Қазақстанның Ұлттық қауіпсіздік комитетінің күшімен радикалды діни топ әрекетінің жолы кесілді, деп хабарлайды ERNUR.KZ. ҰҚК баспасөз қызметіне сілтеме жасап.

Арнайы операция жүргізу барысында 8 топ мүшесі ұсталды, атыс қаруы, оқ-дәрілер және діни материалдар алынды.

«Ұсталғандар Қазақстан аумағында бірқатар террористік актілер жасауға дайындалған, терроризмді насихаттаған, сондай-ақ мүліктік қылмыстар жасаған деп күдіктелуде.

Осы фактілер бойынша сотқа дейінгі тергеу басталды, өзге ақпарат тергеу мүддесінде жариялауға жатпайды ", - делінген ҰҚК хабарламасында.