Тоқаев Эмомали Рахмонды сайлаудағы жеңісімен құттықтады

0
562

Мемлекет басшысы Эмомали Рахмонды Қазақстанға ресми сапармен келуге шақырды.


Тоқаев Эмомали Рахмонды сайлаудағы жеңісімен құттықтады

Қазақстан президенті Қасым-Жомарт Тоқаев телефон арқылы Эмомали Рахмонмен сөйлесіп, Тәжікстан президенті сайлауындағы жеңісімен құттықтады, деп хабарлайды ERNUR.KZ Ақордаға сілтеме жасап.

Қасым-Жомарт Тоқаев сайлау қорытындылары оның стратегиялық бағытына деген жоғары сенім мен бүкілхалықтық қолдаудың белгісі екенін атап өтті.

Әңгімелесу барысында Мемлекет басшысы Тәжікстан Президентінің екі ел арасындағы берік достық байланыстарды және стратегиялық әріптестікті дамытуға зор үлес қосқанын айтты.

Қазақстан Президенті бауырлас екі халықтың мүддесі жолында күш-жігер біріктіру арқылы көпжақты қазақ-тәжік ынтымақтастығы жаңа белестерге көтерілетініне сенім білдірді.

Тараптар екіжақты күн тәртібіндегі барлық мәселе бойынша бірлескен жұмысты белсенді жалғастыруға дайын екенін растады. Қасым-Жомарт Тоқаев стратегиялық серіктестікті нығайту және қазақ-тәжік қатынастарына тың серпін беру мақсатында Эмомали Рахмонды өзіне ыңғайлы кез-келген уақытта Қазақстанға ресми сапармен келуге шақырды.