Төтенше жағдай енгізілген наурыз айында жылдық инфляция биылға белгіленген 4-6% нысаналы дәлізден асып, 6,4%-ке дейін көтерілген.
ERNUR.KZ. Қазақстанда төтенше жағдай режимі салдарынан азық-түлік бағасы 9,3%-ке өскен. Бұл туралы ұлттық банктің төрағасы Ерболат Досаев мәлімдеді, деп жазады Sputnik Қазақстан.
"Азық-түлік тауарлары 9,3%-ке қымбаттады. Мұндай динамика, бір жағынан, көкөніс бағасының науқандық өсуінен, ал екінші жағынан карантин кезіндегі сұраныстан туындады", – деді Досаев үкімет отырысында.
Наурыз айында қант – 8,5%-ке, көкөніс пен жеміс-жидек – 5,1%-ке, қарақұмық жармасы – 2,5%-ке қымбаттаған.
Азық-түлікке жатпайтын тауарлар бағасы жылдық мәнде 5,5%-ке өсті.
Ақылы қызмет бағасының өсу қарқыны 3,5%-ке дейін үдеді.
Көлік, байланыс және тұрғын үй-коммуналдық шаруашылығының жекелеген қызмет тарифтері артқан.
Досаев төтенше жағдай енгізілген наурыз айында жылдық инфляция биылға белгіленген 4-6% нысаналы дәлізден асып, 6,4%-ке дейін көтерілгенін атап өтті.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
