Тұрғын үй құрылысына 605,7 млрд теңге инвестиция тартылды – Скляр

0
67

Осы жылдың соңына дейін 118 мың тұрғын үй салу жоспарлануда.


Тұрғын үй құрылысына 605,7 млрд теңге инвестиция тартылды – Скляр

ERNUR.KZ. Осы жылы 6 ай ішінде тұрғын үй құрылысына 605,7 млрд теңге инвестиция тартылды. Бұл 2018 жылғы деңгейден 15,5% жоғары. Бұл туралы ҚР Индустрия және инфрақұрылымдық даму министрі Роман Скляр Үкімет отырысында айтты, деп жазады baq.kz.

Оның айтуынша, мемлекеттік 1 теңге қаражатқа 7,4 теңге жеке инвестиция тартылған.

«Осы жылдың соңына дейін 118 мың тұрғын үй салуды жоспарладық. Жартыжылдық қорытынды бойынша 48 925 тұрғын үй іске қосылды»,- деді ол.

Сонымен қатар, ол 2018 жылмен салыстырғанда тұрғын үйді пайдалануға беру бойынша көшбасшы деп Түркістан, Қызылорда, Алматы және Қостанай облыстарын атады.

«Нұр-Сұлтан қаласында және Маңғыстау облысында құрылыс қарқыны 32,8% және 10,3% төмендеген. Бұл жалпы республикалық көрсеткішке теріс әсер етті, яғни тұрғын үйді іске қосу 1,9% артта қалды. Сондықтан, бұл өңірлер жеке құрылыс салушылар арқылы жұмысты жандандыруы керек.Тұтас алғанда, басқа өңірлердегі құрылыс қарқынын арттыру арқылы жылдық жоспарға қол жеткізетін боламыз», - деді Роман Скляр.

Оның айтуынша, Алматы қаласында тұрғын үйді іске қосу 10,5% (2,2 млн шаршы метр) және Ақтөбе облысында 10,1% (1,0 млн шаршы метр) өседі деп болжануда.

«Белсенді даму есебінен Түркістан облысында жақсы резервтер бар. Болжамды өсім 163 мың шаршы метр, яғни өткен жылдың қорытындысына қарағанда 1,5 есеге жуық болады», - деді ол.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет