Жаңа жыл - жасанды шыршамен: ШҚО бюджеттің 30 млн теңгесін үнемдеді

0
960

Былтыр сатып алынған жасанды шырша мен ойыншықтар биыл да әкімдік кәдесіне жараған.


Жаңа жыл - жасанды шыршамен: ШҚО бюджеттің 30 млн теңгесін үнемдеді

ERNUR.KZ. Өскеменнің орталық алаңы мен мұз алаңдарында былтырдан бастап жасанды шырша қойылатын болған. Қала әкімдігі осы арқылы бюджет ақшасын үнемдеп қана қоймай, табиғи шыршаларды аман сақтап қалған, деп жазады Zakon.kz.

Былтырғы жылы облыс орталығы 19 миллион теңгеге 4 жасанды шырша сатып алған.
Олардың ең үлкенінің биіктігі – 30 метрді құрап, ол облыс бюджетіне 14 миллион теңгеге шыққан. Десе де жасанды шырша мен былтыр сол ақшаға алынған ойыншықтар мен гирляндылар биыл да әкімдік кәдесіне жараған.
Осылайша шенділер табиғи шыршаларды жоюдың алдын алып қана қоймай, жаңа жылға дайындық жұмысына кететін қаражаттың 30 млн теңгесін үнемдедік дейді.
Сондай-ақ мерекелік безендіруге кететін шығынның тағы бір бөлігін жергілікті кәсіпкерлер өз мойнына алған.
- Біз жаңа жылға арналған түнгі безендіру бойынша байқау жарияладық. Біз осы байқау аясында біздің кәсіпкерлер, дүкендер мен жеке кәсіпкерлерді қаланы безендіру жұмысына тартпақпыз. Былайша айтқанда тұрғындарға жаңа жылдық көңіл-күй сыйламақпыз. Бір жағынан бұл бастама қаланы сәндеп қана қоймай, бізге мемлекеттік бюджет қаражатын үнемдеуге мүмкіндік береді, - дейді әкімдік өкілдері.