Жаңаөзенде ер адам 12 тонналық көпірді ұрлап кеткен

0
1 036

"Қазақстан темір жолы" ҰК" АҚ-ға тиесілі ұзындығы 14 метр, биіктігі және ені екі метр болатын көпір ұрланған


Жаңаөзенде ер адам 12 тонналық көпірді ұрлап кеткен

ERNUR.KZ. Металлдан жасалған 12 тонналық көпір "Қазақстан темір жолы" ҰК" АҚ-ға тиесілі болған. Осының салдарынан компанияға 708 750 теңге шығын келтірілген. Бұл туралы Маңғыстау облыстық сот баспасөз қызметінің өкілдері мәлімдеді, - деп жазады tengrinews.kz.

Жаңаөзен қалалық сотында 12 тонналық темір көпірді ұрлау ісі қаралды. Сотта "Қазақстан темір жолы" ҰК" АҚ-ға тиесілі ұзындығы 14 метр, биіктігі және ені екі метр болатын көпір ұрланғаны анықталды. Жымысқы әрекетімен қаскөй компанияға айтарлықтай шығын келтірген.

"Сот үкімімен айыпталушы ҚР Қылмыстық Кодексінің 188-бабының 1-бөлігінде көзделген қылмысты жасағаны үшін кінәлі деп танылып, оған 200 АЕК немесе 505 000 теңге көлемінде айыппұл салынды. Ұрланған көпір компанияға қайтарылды, - делінген облыстық соттың баспасөз қызметі таратқан хабарламада. Сот үкімі әзірге заңды күшіне енген жоқ.