Жедел жәрдем санитарларының жұмысын жүргізушілер атқаратын болды

0
1 179

Медицина қызметкерлерінің штатын оңтайландыру жөніндегі нұсқау денсаулық сақтау министрлігінен келіп түскен.


Жедел жәрдем санитарларының жұмысын жүргізушілер атқаратын болды

ERNUR.KZ. Қысқартуға ұшыраған жедел жәрдем санитарлары жұмыссыз қалмайды. Бұл жөнінде «Нұр Отан» партиясы облыстық филиалында баяндама жасаған денсаулық сақтау басқармасының басшысы Марат Шоранов мәлімдеді, деп жазады altaynews.kz.

Естеріңізге сала кетейік, жуықта жедел жәрдем бекетіндегі санитарлардың жұмыстан қысқартылатындығы туралы хабар тараған болатын. Марат Шорановтың айтуынша, медицина қызметкерлерінің штатын оңтайландыру жөніндегі нұсқау денсаулық сақтау министрлігінен келіп түскен.

"Қызметкерлер арасында мониторнг жүргізу барысында мәлім болғандай, жедел жәрдемде санитарлық қызмет атқарып жүргендердің 90 пайызы зейнет жасына таяп қалған адамдар. Санитарлық қызмет ешқандай маңызды рөл атқармайды. Арнайы білімнің де қажеті жоқ. Себебі негізгі жұмысы олардың – құрал-жабдықтарды алып жүру. Бұл жұмысты қосымша ақы төлеу арқылы жүргізушілерге-ақ тапсыруға болады деп шештік. Алғашында қысқартуға 80 адам ұшырауы тиіс болатын. Алайда халықтың әлеуметтік жағдайын ескеріп, тек 20 адам қысқартуды ұйығардық. Есесіне фельдшерлер штаты кеңейтілетін болды", - дейді ол.

Марат Едігеұлының айтуынша, олардың ешбірі жұмыссыз қалмайды. Бүгінде оларды өзге медициналық мекемелерге жұмысқа орналастыру шаралары қолға алынған.