Жыл соңына дейін кімдердің мүлік салығынан босатылатыны айтылды

0
697

Бұл туралы ҚР ұлттық экономика вице-министрі Мәди Такиев ОКҚ брифингінде айтып берді.


Жыл соңына дейін кімдердің мүлік салығынан босатылатыны айтылды

ERNUR.KZ. Экономиканы тұрақтандыру жөніндегі жарлыққа сәйкес бизнесті қолдау үшін салықтық шаралар қабылданды, деп хабарлайды Хабар24.


Жыл соңына дейін ойын-сауық орталықтары, кинозалдар, театрлар, көрмелер мен спорттық нысандар мүлік салығынан босатылады.

Сондай-ақ қоғамдық тамақтану, қонақ үй және туристік қызмет салаларындағы салық төлеушілер мүлік салығынан жыл соңына дейін босатылады.


«Ал жеке практикамен айналысатын тұлғалар, яғни нотариустер, адвокаттар, сот орындаушылары мен медиаторлар 1 қазанға дейін мүлік салығын төлемейді.

Сонымен қатар жалпыға бірдей белгіленген тәртіппен жұмыс істейтін жеке кәсіпкерлер жыл соңына дейін жеке табыс салығынан босатылды», - деді М.Такиев.


Сонымен қатар ауыл шаруашылығы өнімдерін өндірушілер де жер салығын төлемейді.


«1 сәуірден бастап 1 қазанға дейін микро, шағын және орта бизнес субъектілері 29 қызмет түрі бойынша еңбекақы төлеу қорынан салық және басқа міндетті төлемдерден босатылды», - деді ҚР ұлттық экономика вице-министрі.