«Жылдың үздік батасы болды»
Наурыз мерекесіне орай түсірілім сәтінің арасында бір топ әнші жиналып, әнші, термеші Тоқтар Серіковтен бата алып тұрған видео пайда болды. Онда Тоқтар Серіков:
«Армандарыңа жетіңдер! Биік-биік белеңнен өтіңдер! Бар батамыз осы, Байға тиіп кетіңдер!» деп бата бергенде айналасын қоршаған өнер иелері қыран-топан күлкіге қарық болады. «Байға тиіп кетіңдер!» деп қалғандары қайталай береді.
Бұған дейін әнші Нұрболат Абдуллин Сәкен Майғазиев пен Тоқтар Серіковтен бата алған болатын.
Желідегілер «Тигендерін қайтеміз, ажырасып жатады гой. Несін байға тиетіндерін», «Тоқтар айналайын тоқ етерін дөп басып айттың», «Керемет бата» деп жазып жатыр.
