Тағы 6263 өтініш қарастырылуда.
Шымкент қаласы әкімдігінің мәліметі бойынша ТЖ режимiне байланысты, 125 588 қала тұрғынына 42 500 теңге көлемінде әлеуметтік жәрдемақы электрондық өтініштер, ал 10 185 азаматқа белсенді өтініштер (SMS) арқылы тағайындалды, деп хабарлайды ERNUR.KZ.
13 сәуірдегі жағдай бойынша мемлекеттен әлеуметтік жәрдемақы Шымкент қаласының 135 743 тұрғынына төленді.
Әкімдіктiң нақтылағанындай, тағы 6263 өтініш қарастырылуда: КЕАҚ желісі бойынша - 1781, МӘСҚ желісі бойынша - 4482.
Айта кетейік, соңғы үш күн ішінде 42 500 теңгеден төлем алған шымкенттіктердің саны бірден үш еседен артық өсті: 10 сәуірдегі жағдай бойынша мұндай соманы 40 586 азамат алды.
