Мұрат Әйтенов жеке қабылдау өткізді

0
356

Қала басшысы халықтың талап-тілектерін жіті зерделей келе бірқатарын қабылдау кезінде орындады.


Мұрат Әйтенов жеке қабылдау өткізді

Шымкент қаласының әкімі Мұрат Әйтенов азаматтарды жеке мәселелері бойынша кезекті бірыңғай қабылдауын өткізді, деп хабарлайды ERNUR.KZ.

Қабылдауға 200-ден астам азамат жазылып, өтініштерін білдірді. Тұрғындар кездесу барысында тұрғын үй, жер кезегі сияқты түрлі әлеуметтік және инфрақұрылым мәселелеріне қатысты талап-тілектерін жеткізді. Әкім орынбасарлары, басқарма басшылары мен аудан әкімдерімен қатар қаланың прокуратура, полиция өкілдері, тұрғындардың түрлі өтініштерін тыңдады.

Қала басшысы халықтың талап-тілектерін жіті зерделей келе бірқатарын қабылдау кезінде орындады. Сондай-ақ азаматтар тарапынан түскен өтініштердің барлығы да заң аясында шешілетінін жеткізіп, жауапты тұлғаларға нақты тапсырмалар жүктеді.
Сондай-ақ, қабылдауға келген тұрғындарға түрлі салаларды дамытуға бағытталған мемлекеттік бағдарламалардың шарттары туралы тиісті түсіндірме жұмыстары жүргізілді.
Айта кетейік, бірыңғай қабылдауға egov.kz, e-otinish порталдары арқылы жазылуға болады.