Шымкент: Бір аптада 7571 әкімшілік құқықбұзушылық анықталды

02.12.2020 16:29

1 053

Тыйым салынған заттарды заңсыз алып жүрген 25 азамат анықталып, 16 адамнан суық қару табылған.

Шымкентте 23-30 қараша аралығында «Құқықтық тәртіп» жедел-профилактикалық іс-шарасы ұйымдастырылды, деп хабарлайды ERNUR.KZ.

Оның мақсаты - қоғамдық тәртіпті қамтамасыз ету, көшелер мен қоғамдық орындарда құқық бұзушылықтар мен қылмыстардың жолын кесу.

Апта ішінде 7571 әкімшілік құқықбұзушылық анықталды. Оның:

- Ұсақ бұзақылық – 1076;

- Тыныштықты бұзу дерегі - 656;

- Қоғамдық орында мас күйде жүрген -1214;

- Кәмелетке толмағандардың түнгі уақытта ойын-сауық мекемелерінен табылуы-656;

- ҚР Тiркеусiз немесе жеке басты куәландыратын құжатсыз жүру -1822;

- Қауiпсiздiк белдіктерiн пайдаланбаған -747;

- Жаяу жүргiншiлердiң ереже бұзу фактісі бойынша 1219 дерек тіркеліп отыр.

Бұдан бөлек, тыйым салынған заттарды заңсыз алып жүрген 25 азамат анықталып, 16 адамнан суық қару табылған. Сондай-ақ есірткі тасымалымен айналысқан 9 азаматтың жолы кесілді.