Шымкентте 27 мамыр күні түнде тамақтану орталығы өртеніп кетті.
иллюстрациялық фото: ашық дереккөзден
Кеше кешкісін Шымкент қаласы Республика даңғылы бойындағы фаст-фуд орталығы өртенді, деп хабарлайды ERNUR.KZ тілшісі.
Өрт шамамен түнгі сағат ондар шамасында тұтанған екен. Шығын көлемін айту қиын. Тілсіз жаумен өрт сөндірушілер күресіп ауыздықтады. Оқиға орнына полицейлер мен жедел жәрдем қызметі де келген. Соған қарағанда, зардап шеккендер бар ма деп топшыладық. Әзірге ресми органдар бұл жағдай бойынша ресми ақпар берген жоқ. Десе де, өртенген ғимараттың видеосы әлеуметтік желілерде тарап кетті.
