Шаһар басшысы сала мамандарына болуы мүмкін апаттық жағдайлардың алдын алуды тапсырды.
Шаһар басшысы сорғы станцияларының жұмыс барысын тексеріп, сала мамандарына болуы мүмкін апаттық жағдайлардың алдын алуды және ақау орын алған жағдайда дер кезінде әрекет етуді тапсырды, деп хабарлайды ERNUR.KZ.
Қазіргі таңда РК-1, РК-2 сорғы станцияларында жалпы саны 13 насостың 7-еуі тоқтаусыз жұмыс істеп тұр. Оның 6-ауы резервте.
Мұрат Әйтенов қала аумағында орналасқан жылу қазандықтарын да аралады.
Шаһар басшысы «Қуатжылуорталық-3» мекемесіне қарасты АДЦ-160Гкал жылу қазандығын тексеріп, жауапты мамандарға жылумен қамту жұмыстарын пысықтап тұруды тапсырды.
-“Қазгидромет” хабарламасына сәйкес, алдағы 4 күнде аязды ауа райы күтілуде. Қала тұрғындарының қауіпсіздігін қамтамасыз ету мақсатында жұмыла жұмыс атқарайық. Әрбір қазандықтың жұмысын мұқият тексеріп, тәулік бойы бақылауда ұстауымыз керек, - деді Мұрат Дүйсенбекұлы.
