Қазіргі таңда аулалардың мемлекеттік актілері рәсімделген.
Мемлекет басшысының бұқаралық спортты дамыту туралы тапсырмасына сәйкес Шымкент қаласында ауқымды шаралар қолға алынған, деп хабарлайды ERNUR.KZ.
Қаратау ауданының өзінде бұл жылы 32 аулаға қосымша балалар ойын және спорт алаңшаларын салу жұмыстары жоспарланған. Қала әкіміне бұл бағыттағы атқарылған жұмыстар жөнінде аудан әкімі А.Әліқұлов баяндап өтті.
Тұран шағын ауданындағы Адия тұрғын үй кешені мен Асар шағын ауданында орналасқан 3 ауланы абаттандыру және Халық қатысатын бюджет жобасы аясында 4 аула, 1 елді мекенге балалар ойын алаңшасын салу жұмыстары жүргізіліп жатқанын айтты.
21 аулаға балалар ойын алаңшасы мен жаттығу тренажерларын орнатуға қаржы қаралған. Қазіргі таңда аулалардың мемлекеттік актілері рәсімделген.
Ашық спорт алаңшаларына келер болсақ, ауданда 25 ашық спорт алаңшасы мен 2 әмбебап спорт алаңшасы салынатын болды.
Сонымен қатар, Бозарық шағынауданы мен Қайнарбұлақ тұрғын алабына демеушілер есебінен ашық спорт алаңшасы салынып, ел игілігіне пайдалануға берілгенін жеткізді.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
