Шымкент қаласында 151 мектеп «Кundelik.kz» электронды журнал жүйесіне қосылған.
«Кundelik.kz» электронды журналды сапалы және уақытылы толтыру бойынша Шымкент қаласының мектептері республикада үздік деп танылды, деп хабарлайды ERNUR.KZ.
Бұл ретте, қаламыздың педагогтері мен оқушылары, ата-аналар және Білім басқармасы саласының мамандары аса белсенділік көрсеткен.
Елімізде «Кundelik.kz» электронды журнал жүйесі ҚР Білім және Ғылым министрлігімен 2016 жылдан бері мемлекеттік-жекеменшік әріптестік шеңберінде жұмыс істеп келеді.
Пандемияға байланысты қашықтан оқыту электронды журналдың маңыздылығын арттыра түсті. Осы орайда, алғаш рет 2020-2021 оқу жылының бірінші жартыжылдығындағы электронды журнал жүйесінің жұмысы қорытындыланып, білім басқармаларының атқарылған еңбектері сараланды.
Нәтижесінде, аталған электронды журналды толтыру жұмыстарына назар аударып, мектептерге көмек пен қолдау көрсеткен Шымкент қаласының білім басқармасы «Кundelik.kz» электронды журнал жүйесінің «Алтын түйме» жүлдесіне ие болды.
Бүгінде «Кundelik.kz» электронды журнал жүйесіне Шымкент қаласының 151 мектебі қосылған. Ал жүйені тұрақты пайдаланып, белсенділік танытқан мұғалімдер саны 20 мыңға жетіп отыр.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
