Қазір қайғылы оқиғаға байланысты тергеп-тексеру амалдары жүріп жатыр.
иллюстрациялық фото: ашық дереккөзден
Шымкент қаласында белгісіз жағдайда көз жұмған 13 жастағы баланың өліміне қатысты қылмыстық іс қозғалды, деп хабарлайды ERNUR.KZ тілшісі.
Тәртіп сақшыларының хабарлауынша, аталған жайт бойынша сот-медициналық сараптамалар тағайындалған. Қазір тергеп-тексеру амалдары жүріп жатыр екен.
«Аталған жайт бойынша сот-медициналық сараптама тағайындалды. Қазіргі таңда ҚР ҚК-нің 104-бабы 1-бөлігі «абайсызда қазаға ұшырату» бойынша сотқа дейінгі тергеп-тексеру амалдары жүргізілуде», - деп мәлімдеді Шымкент қаласы полиция департаментінің баспасөз қызметі.
Еске сала кетейік, осының алдында Шымкент қаласы 18 шағынауданында тұратын 2006 жылы туған жасөспірім жедел жәрдем қызметі жеткенше қайтыс болғанын хабарлаған болатынбыз.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
