ШЫМКЕНТ: Тұрғын үй алатын азаматтардан өтініш пен құжаттар қабылдау басталады

0
1 053

Шымкент қаласы тұрғындарының назарына!


ШЫМКЕНТ: Тұрғын үй алатын азаматтардан өтініш пен құжаттар қабылдау басталады

Шымкентте «Нұрлы жер» бағдарламасы аясында тұрғын алатын азаматтардан өтініш пен құжаттар қабылданады, деп хабарлайды ERNUR.KZ.

2019 жылдың қараша айының 21 жұлдызынан бастап (сағат 9-00 ден сағат 13-00 дейін) «Нұрлы жер» бағдарламасы аясында тұрғын үй сертификаттарын алу үшін бастапқы нарықтан тұрғын үй алатын және төлем қабілеттілігін растаған азаматтардан өтініш пен құжаттар қабылданады.

Үміткерлер мынадай құжаттарды ұсынады:

1. нысан бойынша өтініш;

2. өтініш берушінің жеке басын куәландыратын құжаттың көшірмесі (түпнұсқасы тұлғаны сәйкестендіру үшін беріледі);

3. соңғы 6 (алты) ай ішіндегі табысы туралы анықтама;

4. жұмыс орнынан анықтама (кезектегілерді қоспағанда);

5. қарыз сомасы, бастапқы жарнаның мөлшері туралы мәліметтерді қамтитын, өтініш берушіге бастапқы тұрғын үй сатып алу үшін ипотекалық тұрғын үй қарызын беруді мақұлдау туралы ЕДБ-нің хаты.

Өтініштер мен құжаттардың қабылданатын мекен-жайы: Шымкент қаласы, Республика даңғылы, №12а, 1-қабат.