Шымкентте 10 «Smart аялдама» орнатылады

0
526

Жаңа үлгідегі аялдамалар алдағы айда ел игілігіне беріледі деп жоспарлануда.


 Шымкентте 10 «Smart аялдама» орнатылады

Шымкент қаласы Әл-Фараби ауданында жолаушылар хабы саналатын 10 нүктеге «ноу-хау» аялдамалар салынбақ, деп хабарлайды ERNUR.KZ.

Жаңа үлгідегі аялдамалар демеушілер тарапынан пайдалануға беріледі.

Осыған орай аудан әкімі Рашид Мыңбаев инвесторлармен кездесіп, құрылыс жоспарын пысықтады. Басты мақсат қала тұрғындары мен қонақтарына жайлы жағдай жасау. Қоғамдық орындардағы қауіпсіздікті қамтамасыз ету үшін аялдамаларға бейнебақылау камералары орнатылады.
Сондай-ақ, жолаушылардың ең басты қажеттіліктері саналатын желдеткіш пен тегін wifi, телефон қуаттағыш құрылғысы, көлік бағыттарын көрсететін жол картасы да қойылады.
Жаңа үлгідегі аялдамалар алдағы айда ел игілігіне беріледі деп жоспарлануда.