Іс-шараның негізгі мақсаты – улы газбен уланудан адамдардың қаза болу фактілерін болдырмау.
Шымкенттік төтеншеліктер тұрғын үйлерде кезекті профилактикалық рейдін өткізді, деп хабарлайды ERNUR.KZ.
Шымкент қаласында «Жылыту.Тұрғын үй» профилактикалық операциясы аясында ТЖ департаментінің Әл-Фараби ауданы ТЖ бөлімінің қызметкерлері аудандық полиция басқармасының жауапты учаскелік қызметкерлермен бірлесіп табиғи газ өткізілмеген көп қабатты тұрғын үйлерде кезекті профилактикалық рейдін өткізді. Аталған іс-шараның негізгі мақсаты – улы газбен уланудан адамдардың қаза болу фактілерін болдырмау.
Аталған рейд барысында қызметкерлер газ және электр жабдықтарының, жылыту пештерінің жарамдылығының алдын алу мәселелеріне аса назар аударып, балалары бар, оның ішінде көпбалалы отбасылардың тұрғылықты жері ерекше бақылауға алынды.
Сонымен қатар, іс-шара көп пәтерлі үйлердің тұрғындарына тұрмыстағы өрт қауіпсіздігі ережелері түсіндіріліп, нұсқаулықтар және өрт қауіпсіздігі шаралары туралы жадынамалар таратылды. Алдағы уақытта бұл бағыттағы жұмыстар Әл-Фараби ауданының аумағындағы барлық көп қабатты тұрғын үйлерінде өтетін болады.
