Шымкенттіктің аты-жөні желіге тарап кеткен.
ERNUR.KZ. Шымкент қаласында коронавирус анықталған науқастың жеке деректерін тарату бойынша сотқа дейінгі тергеу жүріп жатыр. Бұл туралы Ақпарат және қоғамдық даму министрі Дәурен Абаев брифингте мәлім етті, деп жазады тengrinews.kz.
Брифингте Дәурен Абаевтан Желіде COVID-19 жұқтырған шымкенттіктің аты-жөні қайдан жүргені туралы сұрақ қойылды.
"Шымкент полиция департаменті коронавирус инфекциясымен ауырған адамның жеке деректерін әлеуметтік желілерде тарату дерегі бойынша ҚР ҚК 147-бабының 5-бөлігі "Жеке өмірге қол сұғылмаушылықты және Қазақстан Республикасының жеке деректер және оларды қорғау туралы заңнамасын бұзу" бойынша сотқа дейінгі тергеу жүріп жатыр", - деді министр.
Айта кетейік, бұл бап бойынша құқық бұзушылар жеті жылға дейін бас бостандығынан айырылуы мүмкін.
